![]() | 1600m |
| ![]() |
| ![]() | ||||
| ![]() |
| ![]() |
Es lauegi sequi pòden encara desencadenar-se de manèra isolada tanben damb ua subrecarga febla e arribar a mida grana. Mès non se descarten completament lauegi naturaus de mida petita e mejana. Es endrets perilhosi se tròben en particular apròp de crestes, en canaus e conques. Precaucion enes pales arribentes encara per dejós deth limit deth bòsc, e tanben ath pè de parets rocassoses e ath darrèr de cambis abruptes de pendent.
Es "whumpfs" e es henerècles que propaguen son indicis tipics d'ua estructura febla deth mantèth de nhèu Son possibles desencadenaments a distància. Ath delà i a un perilh latent de lauegi d'esguitlament basau. Açò s'aplique especiaument enes pales soleienques arribentes en cas de radiacion solara.
Es excursions damb esquís e raquetes de nhèu requerissen fòrça experiéncia ena avaloracion deth perilh de lauegi e ua seleccion suenhada der itinerari.
De cap ara superfícia, era nhèu ei fòrça omogenèa, damb ua superfícia formada per nhèu de febla coesion. En quauqui endrets era nhèu recenta e era nhèu ventada arrepòsen ath dessús de gibra de superfícia. Es endrets perilhosi son parciaument cubèrti de nhèu recenta e donques de mau reconéisher. Era nhèu recenta e es plaques de vent dera darrèra setmana s'estacaràn lentament damb era nhèu vielha en totes es orientacions.
Especiaument enes pales ombrères, ena part centrau deth mantèth de nhèu se tròben coches febles de cristalhs angulosi. Era part basau deth mantèth ei ben consolidada.
En nautada era situacion de lauegi qu'ei encara delicada. Damb es baishes temperatures, eth mantèth de nhèu non s'arribarà a consolidar pas.